David Beckham është i gatshëm të shkëpusë kontratën me skuadrën amerikane LA Galaxy për të përfunduar karrierën në Premier League me Tottenhamin, shkruan "Daily Mail", të dielën.

Mesfushori 35-vjeçar aktualisht është duke u stërvitur me Tottenhamin, por ende nuk ka arritur marrëveshje për të luajtur me skuadrën londineze.

"Beckham është duke shqyrtuar mundësinë që të largohet nga liga MLS e SHBA-së dhe të kthehet në Angli, për t'i dhënë fund karrierës", ka thënë një burim për gazetën angleze. Beckham ka kontratë me LA Galaxyn deri në nëntor të këtij viti.