Vetëm të menduarit për ushtrime na detyron të hamë më shumë, tregon hulumtimi më i ri. Njerëzit të cilët lexojnë dhe mendojnë për ushtrimet hanë 50 për qind më shumë ushqim se sa zakonisht.

Shkencëtarët konsiderojnë se kjo është për shkak se pavetëdijshëm mendojmë se meritojmë shpërblim në formë të ushqimit, pasi që jemi “lodhur” qoftë fizikisht apo mentalisht gjatë ushtrimeve.

“Ky hulumtim tregon se ushtrimet nuk duhet edhe të bëhen në të vërtetë që këto t’i kompensojmë me ushqim. Madje edhe të menduarit për ushtrimet çon në rritjen e konsumimit të ushqimit”, tha dr. Brian Wansink, nga universiteti “Cornell”, i cili e udhëhoqi hulumtimin.

Shkencëtarët konsiderojnë që ky problem mund të zgjidhet në atë moment kur njerëzit të ndalojnë së lidhuri ushqimin dhe ushtrimet.