Diego Simeone është timonieri i ri i skuadrës së Serie A, Catania. Klubi ka konfirmuar dje në mëngjes se ish-lojtari i kombëtares së Argjentinës, i cili ka luajtur në Serie A për Interin dhe Lazion gjatë karrierë së tij si futbollist, do të marrë në dorë timonin e Catanias, pas largimit të Marco Giampaolo.

Një deklaratë në ueb-sajtin zyrtar të klubit shkruan: “Diego Pablo Simeone është trajneri i ri i Catanias. Catania komunikon se ka rolin e trajnerit të ekipit të parë ia ka besuar Z. Diego Simeone, i cili ka nënshkruar kontratë deri më 30 qershor 2012”.

Simeone do të ndihet në klubin e ri si në shtëpinë e tij, pasi në Catania në skuadrën e saj ka 12 lojtar argjentinas.