Ylli francez i pianos Riçard Klajderman sonte do të performojë në Metropolis arenë në Panairin e Shkupit me fillim në orën 20 e 30 minuta.

"Princi i romantikës" do të shoqërohet nga Orkestri harkor i Filarmonisë së Maqedonisë.

Ekipi i tij i menaxherëve në konferencën e sotme për shtyp paralajmëroi mbrëmje me muzikë romantike, të pëcjellur me shumë emocione. Ata thonë se kanë pasur një problem të vogël gjatë furnizimit të pianos adekuate, por virtuozi maqedonas Simon Tërpçevski u ka dalë në ndihmë dhe ua huazoi instrumentin e tij personal për koncertin e sotëm.

Klajderman sonte do ta befasojë publikun e Maqedonisë me dy melodi ekskluzive. Menaxherët e pianistit potencuan se ai ka në plan të takohet me kryeministrin Nikolla Gruevski dhe ministren e Kulturës Elizabeta Kançeska - Milevska.

Në librin e Ginisit të rekordeve, Klajdermani është shkruar si "pianisti më i suksesshëm botëror" me mbi 90 milionë albume të shitura nëpër botë. Deri tani ka inçizuar mbi 1.200 melodi.

Organizator i koncertit në Shkup është Grupacioni ERA Ekspo media.