Kryeminsitri Sali Berisha akuzoi sot se demonstruesit shkelën nderin e Kombit duke përdorur flamurin si leckë më 21 Janar.

Në prani të mediave, Berisha i shprehu sot mirënjohje gardistit, Amarildo Yzeiri, efektiv i repartit të FNSH, numër 712 që sipas kreut të qeverisë mori nga tokaflamurin me te cilin e goditen demonstruesit dhe më pas qëndroi në mbrojtje të kryeminsitrisë me flamur në duar.

“Në një moment të caktuar një rrugac që flamurin kombëtar e përdori jo ta kishte për nder, por e shkeli me këmbë. Yzeiri mori flamurin dhe e ngriti me duar dhe e ruajti me jetën e tij. Mirënjohje gardistit, tha Berisha duke i dorëzuar efektiviti flamurin kombëtar kuq e zi në duar.

Sipas kreut të qeverisë veprimi i demonstruesit ishte I ulët pasi ka fyer dëshmorët e kombit me veprimin e bërë.

“Ky flamur është flamuri kombëtar në qelizat e të cilit prehen martirët e këtij kombi nga koha e Skënderbeut deri sot. Është flamuri që prehen të gjithë ata që kanë luftuar për liri. Cdo shqiptar kudo që ndodhet në Shqipëri, në Kosovë jashtë saj e mbarë botën do të donin tëkishin mundësi të të përqafonin ty”, iu drejtua Berisha efektivit.

Personalisht gardisi u shpreh se ndjehet i prekur nga vlerësimi i kryeministrit.”Unë betohem se do e mbroj flamurin. Me këtë flamur unë e kam përfaqësuar në Irak, Shqipërinë, në kontigjentin e parë. Jam ndier keq kur na kanë gjuajtur me flamurë. Por ky flamur më dha forcë dhe përmbajtje”.

Në këtë ceremoni të vecantë, mori pjesë dhe Kreu i Policisë së Shtetit, Hysni Burgaj.