Ambasadori amerikan në Maqedoni, Filip Riker mendon se është me rëndësi që kriminelët të ndiqen, krimi të sanksionohet, gjyqësia të zhvillojë procedurë për atë, ndërsa mediumet të mos mbyllen dhe të funksionojnë.

"Dukshëm, ekziston shqetësim në shumë baza. Mundem lirisht të them se mediumet e pavarura dhe gjyqësia, të cilat janë dy komponentet kyçe të cilësdo demokraci, po përballen me probleme.

Sot kuptova se edhe Parlamenti, komponenti ligjdhënës i cilësdo demokraci, gjithashtu po përballet me probleme. Institucionet dhe demokracia juaj duhet të përballen me këtë", deklaroi Riker pas takimit të djeshëm në Qeveri me kryeministrin Nikolla Gruevski.

Takimi me kryeministrin, siç tha ambasadori, ishte i zakonshëm dhe i rregullt, para largimit të tij në Uashington.