Kësisoj, kryetari i LDK-së, Isa Mustafa shton se ky subjekt politik po pret rezultatet përfundimtare të KQZ-së, por se LDK nuk do të pranojë ofertat për koalicion me PDK-në e Hashim Thaçit.

Kryetari i Lidhjes Demokratike të Kosovës (LDK), Isa Mustafa, ka thënë se kjo parti nuk ka marrë ftesën për të qenë pjesë e qeverisjes gjithëpërfshirëse, por edhe nëse marrin ftesë përgjigjja do të jetë negative, pasi sipas tij LDK do të qëndrojë në opozitë dhe se nuk do të bëjë pazar me premtimet e dhëna para elektoratit.