Kontesti për emrin është afatgjatë dhe ndikon fatkeqësisht ndaj marrëdhënieve bilaterale dhe ndaj tërë rajonit dhe për këtë arsye duhet të zgjidhet sa më shpejtë të jetë e mundur, deklaroi në Berlin sekretari i përgjithshëm i KB-së, Ban Ki Mun.

Nuk u përgjigj në pyetjen nëse Mthju Nimic do të vendosë në tryezë propozim të ri dhe nëse është koha që në negociata të kyçet edhe BE-ja, por theksoi se edhe një herë do të bisedojë dhe do t'i inkurajojë edhe ndërmjetësin e edhe palët n[ proces që sinqerisht të kyçen në dialog, lajmëroi Dojçe Vele.

"Për këtë çështje po diskutohet përmes përfaqësuesit tim personal, z.Nimic, i cili i udhëheqë bisedimet me palët e involvuara. Ky kontest me emrin është afatgjatë dhe ndikon fatkeqësisht ndaj marrëdhënieve bilaterale dhe gjithsesi ndaj tërë rajonit.

Për këtë arsye dëshiroj të nënvizoj se kjo çështje duhet të zgjidhet sa më shpejtë të jetë e mundur. Nga ana ime do të bëj gjithçka mundem.

Së pari, edhe një herë do të bisedoj dhe do ta inkurajoj përfaqësuesin tim personal, por edhe palët e involvuara, qeverinë greke dhe IRJM-në që sinqerisht të kyçen në dialog", tha sekretari i përgjithshëm i KB-së, Ban Ki-mun.

Sekretari i përgjithshëm i KB-së mbrëmë në Berlin pati takim me presidentin gjerman, Kristian Vulf.