Ministri i Vetëqeverisjes Lokale, Musa Xhaferi sot do të qëndrojë për vizitë pune në Slloveni, me ç'rast do të realizojë takim me kolegen e tij sllovene, Zllata Plloshtajner, ministre kompetente e Vetëqeverisjes Lokale dhe Zhvillimin Rajonal.

Shfrytëzimi i fondeve evropiane, posaçërisht ato që janë të dedikuar për bashkëpunim tejkufitar, si dhe politika për zhvillim rajonal, do të jenë tema të bisedimeve të ministrave Xhaferi dhe Plloshtajner. Në atë kontekst do të jetë e rëndësishme mbështetja eksperte e Sllovenisë, e cila si vend anëtarë i Bashkimit Evropian, mund ta sigurojë për Maqedoninë, kumtoi Ministria e Vetëqeverisjes Lokale.

Gjatë qëndrimit në Slloveni, ministri i Vetëqeverisjes Lokale, Musa Xhaferi do ta vizitojë edhe Qendrën për sipërmarrje, me seli në Sezhanë.