Drejtoria për të ardhura publike sot hapi sportel tatimor në komunën e Çairit, ku do të munden personat fizikë dhe juridikë të cilët gravitojnë në këtë komunë të marrin informata dhe të parashtrojnë paraqitje tatimore.

Komuna e Çairit ka mbi 100.000 qytetarë, në të gravitojnë 15 për qind nga personat juridikë në Shkup, ndërsa 20 për qind nga qytetarët në Shkup, që vitin e kaluar kanë parashtruar paraqitje vjetore tatimore janë në këtë komunë, theksuan në hapjen e sportelit kryetari i komunës Izet Mexhiti, drejtoresha e Drejtorisë rajonale të DAP - Shkup, Elena Janeva - Dimova dhe udhëheqësi i Sektorit për shërbime për fletobligime tatimore të DAP-së, Muhedin Avdiq.

Avdiq tha se vitin e kaluar janë parashtruar 150.000 paraqitje vjetore tatimore, prej të cilëve 75.000 janë nga Shkupi, ndërsa siç paralajmëroi Janeva-Dimova këtë vit pritet që për të ardhurat e realizuara vitin e kaluar të parashtrohen 10 për qind më shumë.

Sporteli tatimor në Çair është i treti në Shkup, pas Gazi Babës dhe Ilindenit. Në Maqedoni deri tani janë hapur gjithsej 17 sportele tatimore.