Banka zvicerane UBS këtë vit do të shkurtojë 8.700 vende pune. Në prag të mbledhjes së përgjithshme të aksionarëve në Zyrish u njoftua se tremujorin e parë të vitit 2009 banka ka pësuar një humbje prej afro dy miliardë frankash ( afro 1,32 miliardë euro). Numri i të punësuarve deri në vitin 2010 do të bjerë në afro 67.

500 në filialet në mbarë botën. Në Zvicer shkurtohen 2 500 vende pune, njoftoi një zëdhënës i UBS. Deri në fund të 2010 ky institut financiar planifikon kursime "substanciale" prej 3,5 deri në 4 miliardë franka. Banka, e cila konsiderohet si një ikonë e sistemit bankar zviceran, kishte humbur miliarda nga kriza e hipotekave në SHBA.

Përveç kësaj edhe në tremujorin e parë klientët kishin tërhequr sërish para nga banka UBS, në vlerë neto prej afro 23 miliardë frankash. Shkak ka qenë në radhë të parë bërja publike e kompromisit të fundit me autoritetet e SHBA-së në një aferë taksash, thuhet në Zyrih.