Aleks Nika, protestuesi i katërt i plagosur me plumb në kokë në demonstratën e 21 janarit, ka pësuar vdekje klinike në spitalin e Bakërkëjit, në Stamboll.
Burime të sigurta pranë këtij spitali kanë pohuar për Top Channel se, sipas mjekëve, shanset për rikthimin në jetë të Nikës janë minimale.
Të njëjtat burime theksojnë se mjekët i kanë kërkuar të afërmëve të të plagosurit të vendosin për jetën e Aleks Nikës, nëse do të vazhdojë të jetë i lidhur pas aparaturave apo do të vendosin tia heqin ndihmën që ato i japin për ta mbajtur ende zyrtarisht në jetë dhe të shpallin vdekjen e tij.
Në demonstratën e 21 janarit humbën jetën tre persona dhe u plagosën shumë të tjerë.
Pas disa ditësh qëndrimi në Spitalin Ushtarak, mjekët shqiptarë vendosën ta dërgonin menjëherë për mjekim në Turqi, ku gjendja e tij nuk ka patur asnjë ndryshim.
