Prokuroria publike në Paris ka filluar hetuesi të komunikimit financiar të bankës franceze-belge "Deksia", për shkak të gjoja përhapjes së informatave të rreme.

Hetuesia ka filluar me kërkesë të profesorit universitar Rober Kazanovas, i cili pohoi se banka "ka publikuar informata të rreme dhe manipuluese".

Sipas Kazanovas, informatat e tilla në vitin 2008 e kanë shtyer të blejë 113.390 aksione në "Deksia" me çmim prej 15 eurosh për një aksion. Megjithatë, me shfaqjen e krizës financiare globale dhe pas humbjeve të shkaktuara të bankës në Evropën Qendrore dhe Lindore në vlerë prej 13 miliardë eurosh, vlera e aksioneve të saj është ulur në 1,21 euro.

"Kam pësuar humbje prej 685.850 euro. Në reklamën e bankës nuk parashihej se pritet të ketë vështirësi, çfarë është më e keqja, jepeshin infromata jo të sakta", pohoi Kazanovas.

Për shkak rënies në probleme "Deksia" gjatë muajve të kaluar ka marrë ndihmë në kuadër të masave në Francë, Belgjikë dhe Luksemburg për shpëtimin e sektorit bankar. Më 13 mars Komisioni Evropian ka vendosur të realizojë hetuesi me qëllim që t'i kontrollojë potencialet e bankave për dalje nga kriza.