Një ekip i inspektorëve, të cilët e mbikëqyrin marrëveshjen e Bashkimit Evropian dhe FMN-së për ndihmë financiare për Greqinë, sot në Athinë filloi bisedime me qëllim që të kryejnë revizion të programit për kursim të qeverisë greke, që duhet të bëhet para aprovimit të këstit të parë të kredisë, në mars, në shumë prej 15 miliardë euro.

Pritet, në kuadër të revizionit kuartal të kredisë së vlefshme prej 110 miliardë euro për Greqinë, përfaqësuesit e BE-së, FMN-së dhe Bankës Qendrore Evropiane të mblidhen me katër ministra, transmetuan agjencitë.

Pagesa e planifikuar e marsit do të jetë kësti i katërt i kredisë që Greqia e mori në maj të vitit 2010, ndërsa deri tani këtij vendi i janë paguar gjithsej 53 miliardë euro.

Më shumë sindikata në Greqi protestojnë kundër masave më të reja për kursim, me ç'rast për këtë javë greva paralajmëruan punonjësit në sektorin e transportit, farmacistët, mjekët në spitalet shtetërore dhe avokatët.