Presidenti i Turkmenistanit ka nxjerr dekretin, sipas të cilit çdo vit duhet të mbahet gara shtetërore për kuajt më të mirë.

Kurbanguly Berdymukhamedov, i cili në vendin e tij ka pushtet absolut, ka urdhëruar që gara të mbahet në prill dhe në të mund të marrin pjesë kuajt e racës së vjetër akhal teke, transmeton BBC.

Kali më i mirë do të përzgjidhet për të promovuar lavdinë e "këtij lloji qiellor" në gjithë botën.
Berdymukhamedov është i njohur edhe si fans i madh i kuajve.

Në këtë garë do të jepen çmimet për tepihun më të mirë për kalin, rrobat më të mira zyrtare, portretin më të mirë dhe skulpturën më të mirë të kalit.