Kushtëzimi i AAK-së për të hyrë në koalicion me PDK-në, duke kërkuar që në këtë koalicion të përfshihet edhe LDK, i ka shtyrë këta të fundit të mendojnë në formula të tjera. Adresa e dytë pritet të jetë AKR-ja.

Zëdhënësi i PDK-së, Blerand Stavileci i ka thënë RTK-së se pas të gjitha zhvillimeve të fundit, pritet që kryesia e PDK-së të mblidhet dhe të merr një vendim. Por ajo që është e sigurt, Stavileci ka thënë se është oferta që PDK do t’i bëjë AKR-së për koalicion, ndërsa për të tjerat nuk dihet, raporton Indeksonline.

“Besojmë se një ftesë do t’i bëhet AKR-së, për të tjerat do të ketë vendime meritore”, ka thënë Stavileci, ndërkohë që nuk ka komentuar qëndrimin e sotëm të AAK-së.

Një çështje që për partinë më të madhe është e padiskutueshme, është posti i kryeministrit.

“Postet janë çështje të diskutueshme. Posti i kryeministrit i takon kryetarit Hashim Thaçi, postet tjera janë të negociushme”, ka thënë Stavileci për RTK.