Policia rumune ka bastisur pesë pika kontrolli në kufirin me Serbinë, në një operacion që kishte si cak kapjen e policëve dhe doganierëve të përfshirë në trafikimin e cigareve.

Burimet zyrtare thonë se rreth 100 policë e doganierë janë në paraburgim.

Rreth 1000 policë morën pjesë në operacion, i cili ishte i paprecedent për nga madhësia.

Një operacion i ngjashëm u zhvillua një javë më parë në kufi me Ukrainën. Gjatë këtij operacioni u arrestuan 59 zyrtarë.