Kongresmeni amerikan Christopher Lee ka dhënë dorëheqjen nga detyra e tij në Dhomën e Përfaqësuesve pasi janë bërë publike foto të tij pa këmishë në një faqe interneti ku kërkohen partnerë.

“Më vjen keq për dëmin që i kam shkaktuar familjes sime, stafit tim dhe votuesve të mi. I kërkoj falje të gjithëve. Kam bërë gabim shumë të madh dhe premtoj se do të bëj gjithçka për të shlyer fajin”, shkroi Lee në komunikatën e tij.

39-vjeçari Lee, i martuar dhe me një fëmijë, kishte vënë foto të tij pa këmishë në një faqe interneti kontaktesh.

“Jam një burrë në formë, me humor dhe klas. Jetoj në zonën Capitol Hill. 183 cm dhe 86 kg. Bjond me sy bojëqiell”, ishte teksti që shoqëronte foton.