Çiljeta Gjilaga e ka kaluar fundjavën te Magazina, një vend në fakt që ka nisur ta frekuentojë shpesh muajt e fundit. Ajo ka qenë e rrethuar nga shoqet në shumicën e kohës, ndërsa i dashur i saj, Aleksandri është postuar në një tjetër tryezë me miqtë e tij.

Flitet se marrëdhënia e tyre shkon për bukuri, e ndarja në lokal ka qenë thjesht rastësore, pasi atyre i duhej të respektonin dhe t’i jepnin pak kohë edhe shoqërive të veta.

Me Çilin ka qenë dhe Skandinava, modelja e njohur, e cila është mike me këngëtaren. Çili në fillim nuk lëvizte nga tryeza e saj e zakonshme dhe ka kënduar prej aty, më pas mori mikrofonin dhe doli në skenë. Edhe pse e veshur me të zeza komplet, duket sikur ka marrë pak peshë, atë që humbi gjatë verës, megjithatë kjo tregon një lloj rehatllëku që e ka kapur, shkruan BW.