- Pas rrëzimit të dy regjimeve autoritare për më pak se një muaj, bukmejkerët filluan të bëjnë parashikime se cili do të jetë i ardhshmi. Shtëpia bukmejkere irlandeze "Padi Paur" parashikon se reregjimi jemenas është i ardhshmi i cili do të rrëzohet nën presion të protestave, skruan gazeta britanike "Dejli telegraf".

Në vendin e dytë sipas parashikimeve ndodhet pushteti në Jordani, ndërsa në të tretin regjimet në Algjeri dhe Marok.

Sipas parashikimeve, gjasat e Jemenit që i pari të pësojë ndryshime radikale janë 15 përkundër tetë. Gjasat që kjo të ndodh së pari në Jordani janë vlerësuar në dhjetë përkundër katër, ndërsa në Algjeri dhe Marok - shtatë përkundër dy.

Tetë përkundër një janë vlerësuar gjasat për ndryshime më të shpejta në Bahrein, 12 përkundër një për ndryshime në Iran, ndërsa 16 përkundër një për rrëzim të pushtetit të Libi, Sudan, dhe Irak.

Në fundin e listës ndodhen Arabia Saudite dhe Siria. Mundësia që këto dy vende të jenë vendet e ardhshme të përfshihen nga revolucioni egjiptian dhe tunizian vlerësohet në 20 përkundër një.