Partitë e koalicionit për formimin e Qeverisë së re, sipas njoftimeve jozyrtare, kanë bërë kërkesë për thirrjen e një “seance të jashtëzakonshme” të Kuvendit të Kosovës, për sot pasdite.

Në këtë seancë pritet të votohet për presidentin dhe kabinetin e ri qeveritar, që do të propozohet nga mandatari Hashim Thaçi.

Më herët Kryesia e Kuvendit të Kosovës nuk e ka proceduar kërkesën e partnerëve të koalicionit për vazhdimin e seancës së Kuvendit, për sot pasdite.

Kryeparlamentari Jakup Krasniqi, pas takimit të Kryesisë, ka thënë se seanca e sotme tashmë ka përfunduar dhe duhet të thirret seancë e re.