Çmimet e naftës së papërpunuar sot arritën nivelin më të lartë për më shumë se dy vjet si rezultat i trazirave në Libi dhe shqetësimi nga ndërprerja e mundshme e dërgesave të këtij energjensipër shkak të zgjerimit të protestave në Afrikën Veriore dhe Lindjen e Afërt.

Çmimi i naftës së "lehtë" amerikan në bursën në Nju-Jork u rrit për 9,8 për qind në krahasim me tregtimin të premtën, për 8,77 dolarë, duke arritur 98,48 dollarë për barel, ndërsa nafta "brenti" evropian në Bursën ndërkombëtare në Londër e arriti nivelin më të lartë nga shtatori i vitit 2008, duke u shtrenjtuar për madje 2,83 dollarë ose 2,7 për qind, duke u bërë 108,57 dollarë për barel.

Grupacioni "Goldman Saks" parashikoi se nafta "brent" gjatë javëve të ardhshme do të mund të shtrenjtohet midis 205 dhe 110 dollarë për barel në qoftë se vazhdon pasiguri duke pasur parasysh situatën në pjesën veriore të Afrikës dhe Lindjes së Afërt.

Libia, e cila posedon rezervat më të mëdha të naftës në Afrikë, muajin e kaluar prodhoi 1,59 milionë barelë naftë në ditë, që është përafërsisht e barabartë me tetë për qind nga konsumi në SHBA