Në kopshtin e fëmijëve "Pranvera", u mbajt ligjëratë për masat parandaluese të përhapjes së virusit të gripit. Në sezonin e gripit, përkëdhelëset nga kopshtet e Gostivarit mësuan se si të zvogëlohet rreziku nga kontaminimi në vendin e punës dhe si të mbrohen fëmijët nga virusi.

Ligjëratën, me iniciativë të udhëheqësisë së institucionit publik "Gëzimi fëmijëror” në të cilin funksionojnë dy kopshtet në Gostivar, e mbajti Dr Vojisllav Ognjanoski - epidemiolog nga shërbimi i Qendrës për shëndet publik.

Përkëdhelëset u njoftuan me situatën me gripin dhe me masat më të rëndësishme parandaluese. Nga ligjërata u dërguar apelk deri te prindërit që të respektojnë rregullat dhe fëmijët e sëmurë të mos I dërgojnë në kopsht.


"Edhe është sezoni i përhapjes së gripit, në kopshtet e fëmijëve nuk ka rritje të mungesës së fëmijëve për shkak të sëmundjes. Masat parandaluese në kohë janë ngritur në një nivel më të lartë dhe vazhdimisht konsultohemi me shërbimin epidemiologjik", thotë drejtoresha e IPF "Gëzimi fëmijëror”, Yllza Mislimi.

Sipas epidemiologut dr.Vojisllav Ognjanoski, në rajonin e Gostivarit aktualisht janë regjistruar rreth 500 raste të gripit, që sipas mjekëve është një shifër e zakonshme për këtë periudhë të vitit. Në mesin e të infektuarve nuk ka ndonjë numër të konsiderueshëm të fëmijëve të moshës parashkollore.