Mbrojtësi Gabriel Heinze ka pranuar se ai pendohet që ka prishur marrëdhëniet me ish-trajnerin e tij Sir Alex Ferguson para se të largohej nga Manchester Unitedi.

Heinze kërkoi të kaloj te Liverpooli, por ai më vonë u shit tek gjiganti spanjoll Real Madridi.

“Unë nuk kam pendime të shumta në karrierën time si futbollist, por ajo ngjarje me Fergusonin duhet të jetë njëra prej tyre. Unë jam i rrëmbyeshëm dhe kokëfortë dhe kjo më ka futur shpeshherë në probleme, siç ishte edhe rasti kur u largova nga Manchester Unitedi”, tha argjentinasi.

“Kur e shikoj tani, është e lehtë të vërehet se Fergusoni ka pasur ndikim të madh në karrierën time, nga ana pozitive”, tha Heinze.