Benzina shtrenjtohet për 2,5 denarë, ndërsa dizeli për 2, përkatësisht 1,5 denar

Çmimi i benzinës prej nesër rritet për 2,5 denarë, ndërsa i derivateve dizel për 2, përkatlsisht 1,5 denar për litër, vendosi sot Komisioni Rregullator për Energjetikë (KRRE).

Me vendimin bëhet rritja e çmimeve rafinerike dhe të shitjes me pakicë të derivateve të naftës, mesatarisht për 5,27 përkatësisht për 3,78 për qind.

Çmimi i ri i EUROSUPER BS-95 paraqet 77, ndërsa i EUROSUPER BS-98 78,50 denarë për litër. Çmimi me pakicë i EURODIZEL (D-E V) me vendimin e KRRE-së rritet për dy denarë për litër dhe do të kushtojë 67,50 denarë, përderisa çmimi i Vajit ekstra të lehtë për amvisëri (EL-1) rritet për 1,5 denar dhe shitet për 56 denarë për litër.

Çmimi me pakicë i mazutit M-1 NS rritet për 2,495 denarë dhe do të jetë 39,565 denarë për kilogram.

Si arsye për rritjen e çmimit të derivateve të naftës nga KRRE i cekin për 5,89 për qind çmimi më i lartë mesatar i naftës së papërpunuar në tregun botëror gjatë periudhës së kaluar 14-ditëshe, si dhe për 0,03 për qind e kursit më të lartë të dollarit në raport me denarin.