Ish-trajneri i Liverpoolit, Rafael Benitez, ka shprehur dëshirën e tij që të rikthehet në Premierligë, për të drejtuar ndonjë skuadër tjetër. Ai ka thënë se në ishull është atmosferë e mirë dhe mbi të gjitha është një vend i përshtatshëm për të ushtruar detyrën e trajnerit.

Spanjolli ka refuzuar ofertat e Valencias, Sevillës dhe Atletico Madridit, pasi dëshiron që të menaxhojë një skuadër nga Premierligë, aty ku edhe ka korrur një sukses të madh per sa kohe ishte trajner i skuadrës më të suksesshme në Angli, Liverpoolit.

“E ardhmja ime është në Angli, sepse është vendi më i mirë për një trajner”, tha Benitez. Spanjolli ka fituar dy herë La Ligën dhe një herë Kupën e UEFA-s, sa ishte trajner i Valencias, ndërsa një herë ka ngritur lart trofeun e Ligës së Kampionëve si dhe një herë Kupën FA, si trajner i Liverpoolit.