Anëtarët e Shoqatës së juristëve shqiptarë të Republikës së Maqedonisë sot zgjodhën organet e reja të Shoqatës, që do të kryesohet nga Mr.sc. Afet Mamuti, doktorant i shkencave juridike civile në Fakultetin e Drejtësisë të Universitetit të Tiranës.

Për nënkryetarë të Shoqatës së juristëve shqiptarë të Republikës së Maqedonisë janë zgjedhur Doc.dr. Fatmire Lumani, profesoreshë e të drejtës kushtetuese dhe Dr.sc. Qebir Avziu, doktor i shkencavje juridike penale, ndërkaq në Kryesinë e Shoqatës së juristëve shqipatarë të Republikës së Maqedonisë janë zgjedhur emra nga fusha akademike e drejtësisë.

Shoqata e juristëve shqiptarë të Republikës së Maqedonisë do të këtë për qëllim aftësimin e juristëve të rinj për kyçjen e tyre në rrjedhat e proceseve shoqërore dhe profesionale, trajtim dhe dhënie të mendimeve profesionale për ligjet, aktet nënligjore, për funksionimin e sistemit juridik, organeve dhe institucioneve në vend, organizimin e debateve, tribunave për fushat e ndryshme të drejtësisë, etj.