Forcat kryengritëse në Libi njoftohet se kanë luftuar me forcat e Muamar Gadafit në dy qytete të vendit dhe kanë realizuar fitore. Në Libinë perëndimore, trupat besnike të Gadafit u tërhoqën nga qyteti Zaui-jah, 50 kilometra larg Tripolit, pasi u përleshën me forcat rebele. Kryengritësit arritën ta mundnin ushtrinë libiane, megjithë përdorimin e artilerisë së rëndë dhe tankeve. Rebelët po ashtu njoftohet se kanë nën kontroll pas luftimeve me forcat e Gadafit portin lindor Ras Lanuf, nga ku transpotohet nafta. Nuk dihet me saktësi numri i viktimave nga luftimet. OKB ka njoftuar se më shumë se 191 000 persona janë larguar këto ditë si pasojë e dhunës në Libi dhe 10 mijë refugjatë në brendësi të vendit janë drejtuar drejt kufirit egjiptian.




ShtypiDites