Presidenti i Republikës së Shqipërisë, Bamir Topi, në krye të një delegacioni zyrtar, me ftesë të homologut të tij nga Maqedonia, Gjorge Ivanov, u nis sot drejt kryeqytetit të Republikës së Maqedonisë, Shkupit, për të marrë pjesë në ceremoninë e inaugurimit të "Qendrës Përkujtimore të Holokaustit" për hebrenjtë nga Maqedonia.

Zyra e shtypit e Presidencës shqiptare bëri të ditur se në këtë veprimtari të rëndësishme përkujtimore e historike, e cila do të zhvillohet nesër, pritet të marrin pjesë krerë të shteteve të rajonit, përfaqësuesi i qeverisë së Shtetit të Izraelit, zëvendës-ryeministri Moshe Jalom, si dhe personalitete të ndryshme nga mbarë bota.

Presidenti Topi pritet të takohet me homologun e tij nga Maqedonia, Gjorge Ivanov dhe me Presidentin e Malit të Zi, Filip Vujanoviç, si dhe me zëvendës-kryeministrin e Izraelit, Moshe Jalom.