Me rastin e 10-Vjetorit të UÇK-së - Brigada 112 "Mujdin Aliu", do të mbahet Manifestimi Jubilar (tradicional) "Pranvera e dinjitetit" në të cilin do të flitet për vendosmërinë e paepur, ngadhnjimin e bijve dhe bijave të popullit tonë liridashës, nën Emblemën e UÇ Kombëtare.

Më 14 mars para dite (nga ora 10.00) do të bëhen homazhe te varrezat e Dëshmorëve:

a) Nga Rakoveci - Reçica e M. - Tetova (Kompleksi memorial
pranë Teqes) - Përroi
b) Nga Jazhinca - Sllatina - Nëpërshteni - Xhepçishti – Përroi

Manifestimi do të mbahet më 14 mars 2011 në Kalanë e Lirisë në fshatin Sellcë, me fillim në ora 13.00. Aty do të nderohen Dëshmorët që prehen brenda Kështjellës.

Do të mbahet një takim i përzemërt me anëtarët e Familjeve të Sakrificës të vitit 2001.

Në këtë Manifestim do të marrin pjesë Familjet e Dëshmorëve, të plagosurit e lirisë, ish udhëheqësit e SH.P. të UÇK-së, të Brigadës 112 "Mujdin Aliu" dhe Brigadave të tjera nën Emblemën e UÇ Kombëtare si dhe kontribues të Çështjes Shqiptare.

Manifestimi organizohet nga Shoqata e Veteranëve të Luftës së Ushtrisë Çlirimtare Kombëtare dhe këshilli vendor.