Nevzat Mamuti

Nuk kanë të ndalur reagimet rreth propozimit të Presidentit që guvernator i ri të Bankës Popullore të Maqedonisë të jetë Dimitar Bogov. Ndërkohë, Alsat analizon kandidaturën e propozuar nga presidenti Ivanov, duke e krahasur me atë me Ministrin e Ekonomisë, Fatmir Besimi, i cili ishte kandidat i përfolur për këtë post të rëndësishëm.

Për të propozuar një person për guvernator, presidenti duhet të ketë parasysh katër kritere siç janë njohja e mirë e makroekonomisë, përvoja bankiere, udhëheqja me organizata apo institucione që kanë të punësuar mbi 400 persona dhe që kandidati i propozuar të ketë integritet të lartë.

Në biografinë e tyre profesionale shkruan se Bogovi dhe Besimi njohin mirë teorinë makroekonomike të vendit dhe që të dy kanë qenë nën guvernatorë të Bankës qendrore.