Në sallën e Këshillit të Komunës, Organizata komunale e Kryqit të kuq nga Gostivari zhvilloi një punëtori për nxënësit e shkollave të mesme për në të cilën të rinjtë u njoftuan me punën dhe funksionin e organizatës, me qëllim të rritjes së anëtarësisë në radhët e të rinjve.

Në këtë trajnim u fol për humanitetin, universalitetin dhe unitetin si parime themelore të Kryqit të kuq. Qëllimi I takimeve të këtilla është që të motivohet popullata e re për përfshirje në këtë organizatë.

“Jemi dëshmitarë se numri i qytetarëve të cilët kanë nevojë për ndihmë sociale, produkte ushqimore, veshmbathje dhe të ngjashme, rritet për çdo ditë. Me më shumë vullnetarë në radhët e organizatës, do të rritet mundësia që t’u dilet në ndihmë këtyre njerëzve”, deklaroi ligjëruesi Faik Alili.