Të premten që vjen, e më së largu të hënën e ardhshme, do të bëhet zgjedhja e presidentit të ri të Kosovës, raportojnë medie kosovare.

Klan Kosova raporton se votimi për president duhet domosdo të bëhet më së largu të premten ose të hënën, për shkak se ligji për buxhetin e Kosovës, i cili pritet të shqyrtohet në seancën e së premtes, duhet që, pasi të miratohet në Kuvend, të nënshkruhet nga Presidenti i vendit.

Sipas ekspertëve të Kushtetutës dhe njohësve të çështjeve kushtetuese, që kur është bërë publik vendimi i Gjykatës Kushtetuese të Kosovës, Kosova është pa president. Sipas tyre Behgjet Pacolli tashmë i ka vetëm dy mundësi: të japë dorëheqje, ose të shkarkohet nga Kuvendi i Kosovës.