Universiteti Shtetëror i Tetovës iu bashkëngjit aksionit "Dita e drurit - pranvera 2011", i cili kësaj radhe u organizua me moton "Ejani në mbjellje, lëre politikën së paku sot".

Rektori i USHT-së, Prof. dr. Agron Reka, i cili edhe personalisht morri pjesë në këtë aksion, i shoqëruar nga bashkëpunëtorët e tij, si dhe përfaqësuesit e Parlamentit Studentor, theksoi se ky aksion duhet përshëndetur dhe duhet të përkrahet maksimalisht, pasi siç u shpreh ai, se USHT përpos procesit edukativo-arsimor dhe shkencor angazhohet edhe për ambient të pastër, pasi siç tha, “duke mbjellë fidane të reja, ne mbjellim ardhmëri më të pastër për brezat që do të vijnë pas nesh”.

Aksionit për mbjelljen e fidaneve iu bashkëngjitën edhe bashkëpunëtorët e Rektorit, Prof. dr. Agron Reka, si dhe studentë të universitetit tonë, të cilët mbollën fidane në oborrin e Rektoratit të USHT-së.