Është ndarë nga jeta kryetari i komunitetit bektashian në Shqipëri, baba Reshat Bardhi.

Prej shumë vitesh, Bardhi ishte drejtues i Kryegjyshatës së Shqipërisë dhe gëzonte respekt në komunitetet fetare.

Ai ka ndërruar jetë në moshën 75-vjecare, pas një sëmundjeje të gjatë, që ishte bërë shkak edhe për dy ndërhyrje kirurgjike në zemër.

Me të marrë vesh lajmin, presidenti i Republikës Bamir Topi i ka shprehur ngushëllimet e tij familjarëve të baba Reshatit dhe gjithë komunitetit bektashi.

“Shpreh hidhërimin tim për ndarjen nga jeta të kryegjyshit botëror të bektashinjve”, është shprehur Topi në mesazhin e tij.