Çmimi i arit sot në bursën e Nju-Jorkut arriti rekord të ri prej 1.450 dollarë për një uncë (31,1 gram), pasi që zvogëlimi i rejtingut kreditor portugez i orientoi investitorët drejt investimeve më të sigurta.

Në zmadhimin e sotëm të çmimit të arit ndikoi edhe rritja e çmimit të "brent" naftës e cila e arriti nivelin më të lartë gjatë dy viteve të kaluara prej 122 dollarë për barel.

Agjencia për rejting kreditor "Mudis" e zvogëloi rejtingun e Portugalisë për një shkallë, nga A3 në BAA 1, duke theksuar se qeveria e re portugeze pas zgjedhjeve të caktuara për më 5 qershor do të duhet të kërkojë ndihmë financiare urgjente nga Bashkimi Evropian.

Pas publikimit të kumtesës së agjencisë "Mudis" shkallët e interesit të obligacioneve dhjetë vjeçare portugeze, të cilat vitin e kaluar ishin 5,8 për qind u ngjitën në rekord të ri në eurozonë prej 9,03 për qind, derisa aksionet e bursës në Lisbonë u zvogëluan për një për qind.