- Negociatat për transferimin e pushtetit të Bregut të Fildishtë nga Loren Gbagbo, i cili në nëntor të vitit të kaluar humbi në zgjedhjet presidenciale nga Alasan Uatara, dështuan, deklaroi sot shefi i diplomacisë franceze, Alen Zhype.

Ai njoftoi se negociatat e djeshme disaorëshe midis delegacionit të Gbagbos, personave zyrtarë të Bregut të Fildishtë dhe përfaqësues të Kombeve të Bashkuara dhe Franca përfunduan pa sukses pasi Gbagbo nuk deshi kompromis.

Pas përleshjeve të sotme të ashpra në Abixhan, ku forcat lojale të Uataras e sulmuan shtëpinë e Gbagbos dhe pallatin presidencial, është qetë.

Përleshjet filluan herët në mëngjes kur Gbagbo refuzoi të dorëzohet edhe pse ishte i rrethuar në bunkerin në rezidencën e tij.

Zëdhënësi i trupave lojale të Uataras, Afusi Bambe theksoi se forcat tentojnë të hyjnë në rezidencë dhe ta robërojnë Gbagbon.

"Ende nuk është i robëruar, por aksioni është në vijim", njoftoi Bambe, duke shtuar se ushtarët kanë instruksione strikte që ta lëndojnë Gbagbon