Manchester United dhe Barcelona janë duke udhëhequr në pjesët e para të çerekfinaleve të Champions League, të cilat janë duke u zhvilluar në këto momente.

”Djajtë e Kuq” realizuan një gol të rëndë në “Stamford Bridge”. Pas një aksioni të shpejtë, Giggs shërbeu brenda zonës Rooney-n dhe ai realizoi nga pranë.

Chelsea krijoi disa raste të mira, përfshi një shtyllë të Torres në fundin e pjesës së parë, ndërsa në kthimin e topit nga shtylla, goditja e Lampard u spastrua mbi vijën fatale.

Në ndeshjen tjetër, Barcelona është duke justifikuar statusin e favorites përballë Shakhtar-it, ndërsa Iniesta dhe Alves realizuan dy herë.

Iniesta realizoi që në minutën e gjashtë, i shërbyer nga Villa, i cili u gjend i vetëm pas vertikalizimit në thellësi të Messi-t. Në të 34’, ishte Iniesta ai që këtë herë krijoi golin, duke i dhënë një pasim të artë Alves-it.