Pas përfundimit të kontrollimit të testeve me shkrim të provimit të noterisë, zëvendëskryeministri dhe ministri i Drejtësisë, Hajredin Kuçi, u takua me përfaqësuesit e Unionit Ndërkombëtar të Noterisë, Giuseppe Ramondeli dhe Antonio Ioli.

Pas takimit, ministri Kuçi tha së funksionalizimi i sistemit të noterisë, është prioritet i Ministrisë së Drejtësisë.

Ndërkaq, zëvendëskryeministri Hajredin Kuçi, duke komentuar gjendjen e tanishme politike në vend, theksoi se qeveria e Kosovës është stabile, duke paralajmëruar ndryshime në kabinetin qeveritar, tash kur marrëveshja për koalicion mes PDK-së dhe AKR-së ka ndryshuar.

“Askush nuk e ka të garantuar pozitën deri në fund të mandatit”, ka theksuar Kuçi.

Ai gjithashtu ka shpreh garancën se marrëveshja e nënshkruar në mes të PDK, LDK dhe AKR do të respektohet qind-për-qind.

Ndërkaq, për sa i takon ministrive shtesë për AKR-në, zëvendëskryeministri Kuçi tha se kjo është çështje që do të negociohet dhe shtoi se qeveria shumë shpejt do të kompletohet edhe me zëvendësministra. /zëri/