Fëmijët përkatësisë rome, të sistemuar në kopshtin e fëmijëve në Gostivar, së bashku me edukatoren e tyre Minever Skenderi, sot i bënë një vizitë Komunës së Gostivarit. Ata, në sallën e Këshillit të Komunës së Gostivarit, i priti kryetari i këshillit dr. Fadil Zendeli.

Me këtë rast, z. Zendeli tha se Komuna e Gostivarit është e gatshme të ndihmojë të gjithë fëmijët pavarësisht nga përkatësia e tyre etnike, fetare dhe sociale.

Komuna e Gostivarit është një ndër komunat në të cilat realizohet projekti “Inkluzioni i fëmijëve romë në institucionet parashkollore”. Në Kopshtin e fëmijëve IPKF “Gëzimi fëmijëror” në Gostivar janë sistemuar pa pagesë fëmijë romë të moshës 4-6 vjeç.

Ky projekt në financohet nga Qendra Edukative Rome, Ministra e punës dhe politikës sociale dhe komunës së Gostivarit.