Trembëdhjetë universitete, fakultete dhe ambasada nga Evropa dhe bota do t'u mundësojnë gjimnazistëve dhe studentëve nga Maqedonia të njoftohen me programet studimore dhe mundësitë për bursa në vendet e huaja në Panairin për arsim që do të mbahet prej nesër deri të premtën.

Vizitorët në "Ditët e arsimit dhe karrierës" që do të mbahet në Panairin e Shkupit, do të kuptojnë më shumë edhe për programet arsimore qasëse përmes ambasadave, qendrave hulumtuese dhe organizatave të cilat merren me arsimin ndërkombëtar.

Statistika nga vitet e kaluara tregon se më shumë se 50 për qind e gjimnazistëve janë interesuar për studime deridiplomik në vendet e huaja, ndërsa 30 për qind e vizitorëve për studime pasdiplomike ndërkombëtare. Rreth 15 për qind e profesorëve dhe hulumtuesve janë interesuar për mundësitë për projekte hulumtuese në vendet e huaja, ndërsa gjithashtu kanë treguar interesim për shkolla verore, kurse dhe programe për këmbim.

Deri tani në panair janë prezantuar institucione të larta arsimore dhe organizata nga Franca, Greqia, Holanda, SHBA-ja, Zvicra, Gjermania, Hungaria, Italia dhe Anglia.

Vend partner i "Ditët e arsimit dhe karrierës" së sivjetme është Sllovakia