- Policia turke, në një aksion të kryer në "stilin hollivudian", i ka shpëtuar jetën zonjës së parë turke Hajrunisa Gjyl, pasi shoferi i saj është alivanosur pas timonit, kumtojnë gazetat turke.

Sigurimi policor i zonjës së parë, i cila arriti ta parandalojë tragjedinë, do të shpërblehet me premi në vlerë prej tre deri katër mijë lira turke dhe me mirënjohje.

Incidenti ka ndodhur në fillim të marsit, derisa zonja Gjyl ka udhëtuar drejt aeroportit Esenboga në Ankara. Në rrugë shoferi ka pësuar gjakderdhje abdominale dhe është alivanosur pas timonit, ndërsa automjeti ka mbetur pa kontrollë. Në situatë të këtillë truprojat me automjetin e tyre e kanë tejkaluar automjetin e Hajrunisa Gjyl dhe kanë arritur ta ndalojnë pa pësuar askush.