Kampioni i Italisë në fuqi, Inter, ka pësuar humbje prej 2-0 si mysafir i Parmës, për t’i minimizuar gjasat e veta për mbrojtjen e titullit këtë sezon.

Është interesante të theksohet se dy lojtarët që e dënuan Interin janë të huazuar te Parma nga rivali i përjetshëm i Nerazzurëve, Juventus.

Sebastian Giovinco pranoi një top nga Francesco Modesto për të mposhtur portierin Julio Cesar në minutën e 35-të.

Katër minuta pa përfunduar koha e rregullt e takimit, ishte Amauri lojtari që vulosi takimin pasi pranoi një asistim të Valeri Bojinov.

Kjo humbje zbeh gjasat e Interit për titull që tashmë mbetet tetë pikë prapa liderit Milan, kur kanë mbetur edhe pesë xhiro për t’u zhvilluar.