Boksierë nga Polonia, Çekia, Kroacia, Bosnjë-Hercegovina, Mali i Zi, Maqedonia dhe boksierët më të mirë juniorë dhe sendorë të Kosovës do të marrin pjesë në turneun e katërt tradicional kushtuar legjendës së sportit kosovar Lah Nimanit.

Turneu i boksit "Lah Nimani" mbahet më 30 prill nga ora 13:00, në Pallatin e Rinisë në Prishtinë. Kështu ka bërë të ditur të premten Federata e Boksit e Kosovës. FBOXK është organizatore e turneut "Lah Nimani". "Për shkak të mundësive financiare ky turne do të jetë vetëm njëditor.

Në mungesë të mjeteve jemi detyruar të refuzojmë shumë shtete të interesuara për pjesëmarrje në turne si Hungarinë, Slloveninë e Skocinë", thuhet në një njoftim të FBOXK.