I riu shqiptar Ardian Bujupi ka arritur që me anë të një performance të shkëlqyer, mbrëmë arriti që të kualifikohet në gjysmëfinalen e emisionit të njohur të talentëve “Gjermania kërkon yllin”.

Talenti me origjinë nga Kosova, i cili është shndërruar në një sensacion të vërtetë në mbarë Gjermaninë, pati paraqitje të jashtëzakonshëm gjatë performimit të tri këngëve të zgjedhura.

Atij nuk iu tremb syri që në rrethin e parë të këndojë hitin e njohur “Here Without You” të 3 Doors Down, që i la mbresa jurisë. “Kjo ishte në përgjithësi një paraqitje e mirë. Ti nuk u bindesh ndjenjave të tua”, ishte vlerësimi i Fernanda Brandaos në juri.

Edhe performance e këngës “Fairytale” nga Alexander Rybak u prit me nota miradie nga juria. Ndërsa, kualifikimin Ardian Bujupi e siguroi me anë të paraqitjes fantastike në rrethin e tretë me këngën “Sex Machine” të James Brown, për të cilën u vlerësua nga legjenda gjermane Dieter Bohlen.

“Na ke emocionuar aq shumë me këtë këngë. Je i pakapshëm”, theksoi Boheln.

Garën në gjysmëfinale të emisionit të talentëve “Gjermania kërkon yllin”, pos Ardian Bujupit e siguruan edhe Sarah Engels dhe Pietro Lombardi, ndërsa u eliminua Marco Angelini. Garimi i Bujupit vazhdon.