Max van der Stulh, njeriu që vizion kishte themelimin dhe zhvillimin e Universiteti të Evropës Juglindore, ka ndërruar jetë në moshën 86 vjeçare, në shtëpinë e tij në Hagë

Ish-ministri i Punëve të Jashtme të Holandës, Max van Der Stulh ka ndërruar jetë mbrëmë në moshën 86-vjeçare. Shtul, i cili dy herë ishte shef i diplomacisë në vitet e 70-ta dhe të 80-ta, ishte edhe përfaqësues i Holandës në OKB, ndërsa ishte edhe komisar i lartë i pakicave nacionale në OSBE.

Qeveria holandeze njoftoi se Shtul ka ndërruar jetë në shtëpinë e tij në Hagë.

Max Van Der shtul, në pranverën e vitit 2000, në cilësinë e komisarit të lartë të OSBE -së për pakicat nacionale, inicioi diskutimet për themelimin e një universiteti të ri në Maqedoni – Universitetit të Evropës Juglindore në Tetovë, i cili edhe u hap një vit më vonë, respektivisht në vitin 2001.

Van der Shtul, që vizion kishte themelimin e zhvillimin e Universitetit të Evropës Juglindore në Tetovë, është edhe doktori i parë i nderit i këtij institucioni që në popull njihet edhe si Universiteti i Shtulit, për shkak të meritave që ky njeri i bartë për këtë tempull të diturisë.