Dy ditë para se të përfundojë afati për parashtrimin e listave të kandidatëve për deputet nga iniciativat qytetare, në Komisionin rajonal të KSHZ-së në Tetovë, ende nuk është parashtruar asnjë listë e pavarur për deputet. Nga kjo njësi bëjnë të ditur se afati përfundimtar është më 4 maj deri në orën 24.

Ndërkohë, Komisioni Shtetëror Zgjedhor ka publikuar emrat e kryetarëve, zëvendësve dhe anëtarëve të Komisioneve sipas komunave. Kështu që, për kryetar i KKZ në Bogovinë është caktuar Feta Abazi, në Bërvenicë Saubi Demiri, në Vrapçisht Mumin Rexhepi, në Gostivar Shadije Xhaferi, në Zhelinë Ibrahim Xhelili, në Jegunoc Bojan Jançevski. Kryetar i KKZ në Tearcë është caktuar Nevzat Velija, në Tetovë Iljaz Halimi, ndërsa në Çair Ejup Berisha, i punësuar në kabinetin e presidentin të shtetit.