Sekretari shtetëror në Ministrinë e Punëve të Jashtme, Abdulkadar Memedi të mërkurën ka realizuar takim të përbashkët pune me ambasadorët e Francës Jean-Claude Schlumberger, të Gjermanisë Ulrike Maria Knotz, të Spanjës Fernando de Galainena Rodriguez, të Holandës Simone Filippini dhe zëvendësin e Ambasadës së Mbretërisë së Bashkuar, Gerrard Mc Gurk.

Në takimin, i cili paraqet pjesë të kontakteve të rregullta për çështjet nga interesi i politikës së jashtme të Republikës së Maqedonisë dhe Bashkimit Evropian (BE), ishin shkëmbyer mendime për gjendjen në rajonin e Evropës Juglindore, bashkëpunimin e Maqedonisë dhe BE-së në organizatat multilaterale dhe forumet, si dhe për bashkëngjitjen e Maqedonisë, si vend kandidat drejt pozitave të përbashkëta të BE-së.

Sekretari shtetëror Memedi me bashkëbiseduesit kanë shkëmbyer mendime edhe për eskalimin e situatës në një pjesë të vendeve të Afrikës së Veriut dhe në Lindjen e Afërt, implikimet e mundshme ndaj stabilitetit të rajonit dhe sfidat për Bashkimin Evropian, sidomos në vërshimin e emigrantëve.