Misionet e BE-së, NATO-s, OSBE-së dhe Shteteve të Bashkuara të Amerikës në Shkup, sot përmes një deklarate të përbashkët ftuan të gjithë aktorët përgjegjës politik, që të bëjnë çdo gjë brenda fuqive së tyre për të siguruar që zgjedhjet e 5 qershorit të zbatohen në pajtim me standardet ndërkombëtare demokratike, dhe pa frikësim dhe dhunë.

Ambasadorët ftojnë qeverinë dhe institucionet tjera të sigurojnë që procesi zgjedhor të gëzojë besimin e të gjitha partive politike dhe, mbi të gjitha, besimin e qytetarëve të cilët i inkurajojmë të shfrytëzojnë të drejtën e tyre demokratike në ditën e zgjedhjeve.

Deklarata e përbashkët e misioneve ndërkombëtare në Shkup, u lëshua pas takimit të realizuar me kryeministrin Gruevski lidhur me zgjedhjet parlamentare të 5 qershorit.