Qeveria suedeze pranoi argumentet e Qeverisë daneze për rritjen e kontrolleve kufitare.

"Në thelb bëhet fjalë për çështje doganore", tha ministri suedez për migracion Tobias Bilstrom në kontekstin e mbledhjes së jashtëzakonshme të mbrëmshme në Bruksel rreth marrëveshjes së Shengenit.

Komisioni Evropian kërkoi nga Danimarka ta arsyetojë vendimin për kthimin e kontrolleve në kufi me Gjermaninë dhe Suedinë, duke theksuar se "nuk janë të pranueshme sfidat të cilat do ta çonin në pyetje parimin për lëvizje të lirë të mallërave dhe personave në suaza të BE-së".

Ministri danez për integrim Soren Pind pohoi se kontrollet kufitare të reja daneze ndaj Gjermanisë dhe Suedisë nuk i shkelin të drejtat e Shengenit.

"Thuhet se dëshirojmë të vendosim kontroll të pasaportave, por ajo nuk është korrekte. Bëhet fjalë për përforcim të kontrolleve doganore, të cilat kryhen në pjesë të tjera të bashkëpunimit Shengen, theksoi Soren Pind.